Spørsmål og svar om Voss Folkehøgskule

Voss Folkehøgskule er ein frilynt folkehøgskule ved Vangsvatnet på Voss, grunnlagd i 1895. Skulen tek imot opptil 126 elevar kvart år. Han er mest kjend for ekstremsport, ski og friluftsliv, men har også linjer i musikk, data, foto, film og kunst.

Voss blir kalla ekstremsportbygda. Voss Resort ligg rett bak skulen, og det er berre 1 km til gondolen. Myrkdalen, som er ein av dei mest snøsikre skistadene i Noreg, ligg 35 minutt unna. Vindtunnelen Voss Vind ligg 1,5 km frå skulen. Elvane rundt Voss er blant dei beste i landet for padling, og Ekstremsportveko blir arrangert her kvart år.

Skulen har tre ekstremsportlinjer. Ekstremsport handlar om ski og elv: frikøyring, topptur, isklatring og elvepadling. Ekstremsport Bratt handlar om ski, snowboard, park, klatring, stisykling og kiting. Ekstremsport Luft handlar om fallskjerm, paragliding og vindtunnel, og du kan ta lisensar undervegs.

Friluftsliv er ein del av dei fleste linjene. Idrett & Friluftsliv har ski, klatring, kiting, jakt og fiske, turar med telt og snøhole og ein tur til Alpane. Musikk & Friluftsliv og Data & Friluftsliv kombinerer faget med ski og tur. Kunst & Natur hentar inspirasjon frå naturen rundt Voss.

Årskort i Voss Resort er inkludert på ekstremsportlinjene, Idrett & Friluftsliv, Musikk & Friluftsliv og Data & Friluftsliv. På Kunst & Natur er årskort ikkje inkludert, men du kan kjøpe det til rabattert pris. Alle kan velje ski som valfag: piste, offpiste, topptur, alpint, snowboard og langrenn.

Nei. Du lærer uansett nivå, og opplæringa tek utgangspunkt i der du er. Ekstremsport-linja passar godt for deg som har stått litt på ski før. Idrett & Friluftsliv er laga for både nybyrjarar og dei som har mykje erfaring.

Nei. På folkehøgskule er det ingen eksamen og ingen karakterar, og du treng ingen karakterar for å kome inn. Året handlar om meistring, fellesskap og å utvikle seg, både fagleg og sosialt.

Du må fylle 18 år i løpet av hausten du startar, men det kan gjevast unntak. Du søkjer digitalt via folkehogskole.no. Opptaket er løpande og har ingen søknadsfrist, så me tek inn elevar til det er fullt. Det lønner seg å søkje tidleg. Les meir under Søk skuleplass.

Prisen avheng av kva linje du vel. Grunnbeløpet dekkjer mellom anna kost og losji og fellesturar. Kva som elles er inkludert, til dømes årskort, varierer mellom linjene. Som folkehøgskuleelev kan du få stipend og lån frå Lånekassen. Sjå prisar og priskalkulator.

Ja. Dei fleste linjene finst også som halvtårslinjer, anten om hausten eller om våren. Sjå halvtårslinjer.

Elevane bur på internat på skuletunet, som ligg ved Vangsvatnet ti minutt å gå frå Voss sentrum. Kvardagen har morgonsamling, felles måltid, valfag på ettermiddag og kveld, elevkveldar og skuleturar med heile skulen. Skulen har også ei fjellhytte ved Upsete og ei skogshytte i nærleiken. Les meir under Livet hos oss.

Frilynte folkehøgskular byggjer på allmenne og humanistiske verdiar som toleranse, menneskeverd og likeverd. For oss betyr det å møte alle menneske med forståing, respekt og openheit, uansett bakgrunn og livssyn.