Litt om skulen
Voss Folkehøgskule er ein frilynt folkehøgskule. Skulen ble opprettet i 1895. Voss Folkehøgskole eigast av ein eigen stiftelse, og tar årleg imot opptil 126 elevar, fordelt på 9 linjer.
Skulen ligg vakkert til, midt i smørauget av ekstremsport- og kulturbygda Voss. Omkransa av fjell speglar skulen seg i Vangsvatnet, berre 10 minutters gange frå Voss sentrum med alt bygda har å by på. Ein perfekt stad for ein folkehøgskule!
Skulen vart grunnlagt i 1895 av Lars Eskeland, men ideen om å starte ein folkehøgskule på Voss kom i 1887 då Bjørnstjerne Bjørnson var på besøk. Ei gruppe unge menneske hylla diktaren ved å synge «Ja, vi elsker» utanfor Fleischer's hotel, der han budde. Bjørnson spurte i den anledning dei unge om det var ein folkehøgskule i bygda. Då svaret var nei, uttalte han: «Ungdom på Voss. Det er mit ønske at det på Voss må bli reist en folkehøiskole.»
Under den andre verdskrigen vart delar av folkehøgskulen teken i bruk som sjukehus. Dette vara ved heilt til midt på 1950-talet då Fylkessjukehuset på Voss stod ferdig.
Skulens ideologi var inspirert av Nikolai Frederik Severin Grundtvigs idé om folkehøgskuler.
Velkomen til gards!
Garden på Seim var opprinnelig nytta som futagard. Her satt fogden (embetsmann) som krav inn skatter og bøter på vegne av kongen. Kring århundreskiftet var det slutt på futeskipnaden, og folkehøgskulen flytta inn på den gamle garden med ungdommar frå fjernt og nært. Garden blei driven godt med både dyr og dyrking.
Blant dei som har gått her er diktar Tarjei Vesaas og artist Odd Nordstoga.
Oversikt
1 - Oppigard (matsal på toppen)
2 - Miklagard (klasserom)
3 - Nedigard (samlingssal, internat og klasserom)
4 - Gymsal, treningsrom og sløydsal
5 - Futagard (administrasjon og kontor)
6 - Midtgard (internat)
7 - Låven (lager og klasserom)
8 - Stabbur (samlingsrom og lager)
9 - Sykkelstall
10 - Verkstad
11 - Jomsborg (internat)
Kva finst på skulen?
eit hav av moglegheiter
Fire internat
Midgard, Jomsborg, Nedigard og Oppigard — der du bur, et og finn flokken din heile året.
→ Heim borte frå heimMusikkstudio
Det største studioet mellom Oslo og Bergen. Spel inn, mix, produser — alt utstyret står klart.
→ Frå riff til releaseMatsal
Utsikt over Vangsvatnet, stort kjøkken, piano og plass til 150.
→ Måltid med utsiktKinosal
Popcorn, sofa og storskjerm. Filmkveld med vener — ein klassikar.
→ Lyset av, lerretet påSløydsal
Profesjonell sal med alt utstyr for treskjering og møbelsnekring.
→ Frå idé til handStyrkerom
Overraskande stort. Ingen medlemskap nødvendig.
Datarom
Sosial gaming på kveldstid <3
Gymsal
Volleyball, elevkveldar og gruppetrening.
Bordtennis
Føler du deg kvass? Bli med i turneringa.
Undervisningsrom
Alle linjer har sitt eige tilpassa klasserom — bygd for akkurat det de skal lære.
→ Skreddarsydd for kvar linjePeisestove
Kosekrok med TV, biljardbord og brettspel. Reality på kveldstid er sterkt anbefalt.
→ Der dagen blir til kveldElevkjøkken
Ope for alle — vaffeljern, toastjern, mikro, komfyr og alt utstyret du treng.
→ Nattmat på eige initiativKva er ein frilynt folkehøgskule?
Voss folkehøgskule er ein frilynt folkehøgskule. For oss betyr det at me er fordomsfrie og tolerante i møte med alle menneske.
Frilynte folkehøgskular legg vekt på allmenne og humanistiske verdiar som toleranse, menneskeverd og likeverd. Ordet «frilynt» spring ut frå ordet frilynne – menneskets eige lynne og sinn i møte med andre og verda rundt.
Å vere frilynt handlar om å møte ulikskap med forståing, respekt og openheit, utan å binde seg til eitt bestemt livssyn som den einaste sanninga. Det er eit syn på mennesket som fritt, undrande og i stadig utvikling – med rom for både tanke, kjensle og tru.
Glede og meistring
Me legg til rette for personleg vekst ved å la unge menneske finne glede og meistring i fag og i fellesskapet.
Høgt nivå, trygg ramme
Me har stor fagleg breidde med høgt nivå, og tilbyr trygge aktivitetar på tvers av linjer.
Opne og ærlege
Me set av tid til å undre oss, om smått og stort. Me er opne og ærlege i møte med alle elevar, og lar alle få ein sjanse.
Kom gjerne innom for ein kopp kaffi!
Eskelandsvegen 28, 5704 Voss
Kontortid
Måndag–Fredag
08:00–16:00
Telefon
565 29 040