Bli den du vil vera
Kva er ein Frilynt
folkehøgskule?
Voss folkehøgskule er ein frilynt folkehøgskule. For oss betyr det at me er fordomsfrie og tolerante i møte med alle menneske.
Frilynte folkehøgskular legg vekt på allmenne og humanistiske verdiar som toleranse, menneskeverd og likeverd. Ordet «frilynt» spring ut frå ordet frilynne – menneskets eige lynne og sinn i møte med andre og verda rundt. Å vere frilynt handlar om å møte ulikskap med forståing, respekt og openheit, utan å binde seg til eitt bestemt livssyn eller system som den einaste sanninga. Det er eit syn på mennesket som fritt, undrande og i stadig utvikling – med rom for både tanke, kjensle og tru.
Lov om folkehøgskoler
§1 Formål
Folkehøgskolen skal fremme allmenndanning, folkelig opplysning, aktivt medborgerskap og menneskeverd. Folkehøgskolen skal bidra til mangfold og være åpen for alle.
Som frilynt folkehøgskule lovar me
At me legg til rette for personleg vekst for unge menneske ved å la dei finne glede og meistring i fag og i fellesskapet.
At me har stor fagleg breidde med høgt nivå, og tilbyr trygge aktivitetar.
At me set av tid til å undre oss, om smått og stort i livet og i faga. Me er opne og ærlege i møte med alle elevar, og lar alle få ein sjanse.
Kva seier tidlegare elevar, sa du?
Voss
Skulen er i særstilling med sitt nærmiljø, midt i hjartet for ekstremsport i Noreg. Voss har verdas største ekstremsportfestival, Ekstremsportveko og ein stor jazzfestival Vossa Jazz. 1km frå skulen til gondol som fraktar til fjells, gir unike moglegheiter for tallause ski-, friluftslivs- og luftsportsopplevingar.


