Data & Friluftsliv

 

Kombiner Data og Friluftsliv! Lær spel, programmering, animasjon, grafisk design og foto. Alpint i Voss resort, fjell/hyttetur, rafting, mm. Turer i Noreg & USA: San Francisco/Silicon Valley

 

På Data & Friluftsliv får du det beste av to verdenar. 

Skulen har lange tradisjonar innan begge områda. 

Finn ut om karriere innan data er for deg. Bli del av ein munter datagjeng - samtidig som du nyttar friluftslivet på Voss og kan stå mykje på ski. 

Du treng ikkje velje, du får begge!

 

DATA 

Karriere innan data?

Du lærer og prøver ut dei viktigaste fagområda innan data, og blir godt rusta til å velje retning vidare. Fagområde: programmering, grafisk design, 3D, spel, animasjon.

Du vil arbeide både breitt og djupt med data, og utvikle kompetanse og interesser innan ulike fagområde.

Du gler deg til “å leike” med andre dataintresserte. Du får opplevingar som hjelper deg å bestemme vegen vidare. 

Du vil oppleve verdens episenter for IKT, nemleg Silicon Valley i USA!

Linja er som ei av dei eldste av sitt slag og veldreven av erfarne lærarar som har eit stort nettverk av tidligare elevar og bransjefolk. 

 

FRILUFTSLIV

Friluftsliv i verdas vakraste bygd, ski-og idrettsbygda Voss! Fokus på samhald, meistring og læring 

Du vil ha friluftslivperiodar utover året med lærerar som har lang erfaring. 

 

Her er noko av det du kan forvente å oppleve: 

 

  • alpint og off-piste i Voss Resort, utvikle skiferdigheiter i og utenfor skibakken
  • fjellturar i vakker vestlandsnatur
  • kajakk i Nærøyfjorden
  • leik og trening i Vossabadet
  • ulike idrettsaktivitetar
  • leirdueskyting på lokal skytebane
  • fjellturar og teltturar
  • overnatting på skulen si eigen seter på Upsete
  • bålkos, gitar og allsang
  • rafting
  • skøytar på Vangsvatnet
  • mulegheit for fallskjermhopping

Kvar fredag er det valgfag heile dagen, vi har fleire ski, idrett og ekstremsportsfag du kan velje i tillegg til linja.

Instagram: @vossfhs, @vossfhs_kreativ, @vossfhs_friluftslividrett