Ekstremsport Luft

Lær fallskjerm, vindtunnel, paragliding, speedriding og ski. Prøv elvepadling, havpadling, skating, rappellering og klatring. Opplev meistring og eventyr, vennskap, natur og friluftsliv i telt og snøhole. Ekstremsport og skibygda Voss!

Voss folkehøgskule har Noregs mest komplette tilbod innan ekstremsport. Ekstremsport Luft er for deg som vil bruke mest tid på å utforske luftsportane, men og køyre mykje på ski og prøve andre ekstremsportar.

Kast deg ut av eit fly eller helikopter, flyg speedrider ned ei fjellside eller flyg lengre og høgare med paraglider ...og ta lisensane til og gjere alt på eiga hand! Flyg mange timar i vindtunnelen. Prøv elvepadling, fjordpadling, rappellering og klatring. Køyr endelaus pudder i Myrkdalen, og sving deg ned fjellsidar i Voss Resort.

Ski- og ekstremsportbygda Voss har alle moglegheiter. Nord-Europas største gondolbane ligg i gangavstand til skulen og Noregs største fallskjermsenter ligg ein sykkeltur unna!

Du og vennane dine er med og legg planar i forhold til vêr og vind. Vårt mål er at du skal bli dyktig og sikker i sportane me driv med, og du får fly hundrevis av turar i løpet av året. Me stiller ofte med fleire lag i NM i vindtunnel.

 

I tillegg til å bu i ekstremsportmekkaet Voss, får du oppleva

  • Ei fantastisk reise gjennom store deler av Europa
  • Sognefjorden - Padling, teltliv og naturopplevingar
  • Toppturuka – Magiske Jordalen med base camp i telt

     ...og mange fine turar i områda rundt Voss og på skulen sine fjellstølar!

 

Utstyret me bruker er av høgste kvalitet. Du får både eigen speedrider og paraglider som du sjølv disponerer.

 

 

Kven passer linja for?

Ekstremsport Luft passer for deg som er eventyrlysten, vil utfordra deg sjølv, har pågangsmot og godt humør. Linja passer best for erfarne skifolk, men krever ingen erfaring frå luftsport.

 

18644996 1757203997902900 2172114289010147328 n

 

 Dette lærer du:

  • Alpint - Frikøyring og vidaregående teknikk
  • Fallskjermhopping - minst 20 hopp
  • Speedriding - SPG2 lisens
  • Paragliding - grunnkurs 
  • Vindtunnell - 3-4 timar (tilsvarar ca 2-300 fallskjermhopp)
  • Elvepadling - Innføring/ Våttkort
  • Havpadling - Innføring
  • Klatring - Brattkort
  • Rappellering - Innføring
  • Snøskredlære
  • Sikkerhet og risikovurdering
  • Førstehjelp 
  • Aerodynamikk
  • Meteorologi
  • Aktivt friluftsliv
  • Reiseplanlegging 

 

Dette forventer vi av deg:

  • God fysisk form
  • Høgt energinivå
  • Høg tilstedeværelse
  • Sunne holdningar
  • Oppmøte kvar dag
  • Dugnadsvilje
  • Gode skiferdighetar - alpinski
  • Krav til legeerklæring
  • Maks vekt 95 kg 

 

Utstyr til linja:

Dette utstyret får du låne av skulen

Fallskjerm
Fallskjermhjelm
Hoppdress
Paraglider
Paragliderhjelm
Speedrider
Teleskopstaver
Elvekajakk
Havkajakk
Våtdrakt
Padlevest
Padlehjelm
Klatreutstyr
Skateboard
Skatehjelm
Skredsøker
Skredspade
Søkestang
Telt 
Stormkjøkken 

Noko av utstyret kan du kjøpe for ein god pris etter skuleåret. 

Du får og eigen radio, førstehjelpsutstyr, fallskjermhansker og fallskjermbriller som du får behalde etter skoleåret. 

 

Dette utstyret må du stille med sjølv:

Turutstyr (ryggsekk, sovepose, liggeunderlag etc)
Turklede (vindtett og ullklede)
Skiklede  
Alpinski m/ gåfunksjon
Skihjelm og ryggplate
Sykkel

Skulen har gode innkjøpsavtalar på utstyr, og det går heilt fint å kjøpe brukt utstyr. 

Obs! For paragliding, speedriding og fallskjerm må du ha medlemskap i Norges Luftsportforbund. Dette kostar rundt kr. 2000,- fram til det året du fyller 20 år og aukar noko etter du fyller 20 år. Dette må dekkast av elevane sjølv på grunn medlemsreglane til NIF.

 

Opplev draumane dine! Velkomen til Voss!

 

 

Instagram: @vossfhsekstem #vossfhsekstrem